മാത്തിൽ:മാത്തിലിൽ കോൺഗ്രസ് നേതാവിന് നേരെ ആക്രമണം.ഇന്നലെ വൈകിട്ടാണ് സംഭവം.ബൈക്കിൽ യാത്ര ചെയ്യുകയായിരുന്ന കാങ്കോൽ-ആലപ്പടമ്പ് മണ്ഡലം കോൺഗ്രസ് പ്രസിഡന്റ് എൻ.വി നാരായണന് നേരെയാണ് ആക്രമണം നടന്നത്.ആലപ്പടമ്പിലെ വീട്ടിൽ നിന്നും മാത്തിൽ കുടുംബാരോഗ്യ കേന്ദ്രം ഉൽഘാടന പരിപാടിയിൽ പങ്കെടുക്കാൻ പോകുന്ന വഴി നാലുപേരടങ്ങുന്ന സംഘം ബൈക്ക് തടഞ്ഞു നിർത്തി കമ്പിപ്പാര കൊണ്ട് ആക്രമിക്കുകയായിരുന്നു. ആക്രമണത്തിൽ ഇരു കാല്മുട്ടുകൾക്കും ഗുരുതരമായി പരിക്കേറ്റ നാരായണനെ പയ്യന്നൂർ പ്രിയദർശിനി ആശുപത്രിയിൽ പ്രവേശിപ്പിച്ചു.ആക്രമണത്തിന് പിന്നിൽ സിപിഎം ആണെന്ന് കോൺഗ്രസ് ആരോപിച്ചു.സംഭവത്തിൽ പെരിങ്ങോം പോലീസ് കേസെടുത്ത് അന്വേഷണം ആരംഭിച്ചു.