കൊച്ചി: സിനിമ നിർമ്മാതാവിനും പ്രൊഡക്ഷൻ കൺട്രോളർക്കുമെതിരെ കൊച്ചിയിൽ ഗുണ്ടാ ആക്രമണം. പത്തോളം പേർ ചേർന്നാണ് ആക്രമണം നടത്തിയത്. ഒരാളെ തിരിച്ചറിഞ്ഞിട്ടുണ്ട്. ജയറാം നായകനാകുന്ന ആകാശമിട്ടായി എന്ന സിനിമയുടെ ചിത്രീകരണം നടക്കുന്ന ഇടശ്ശേരി മെൻഷൻ എന്ന ഹോട്ടലിൽ വെച്ചാണ് അക്രമം ഉണ്ടായത്. നിർമാതാവ് മഹാ സുബൈർ, പ്രൊഡക്ഷൻ കൺട്രോളർ ബാദുഷ എന്നിവർക്ക് നേരെയാണ് ആക്രമണം ഉണ്ടായത്. കഴിഞ്ഞ മാസം കൊച്ചിയിൽ നടിക്ക് നേരെ ഗുണ്ടാ ആക്രമണം ഉണ്ടായിരുന്നു. ഇതിനു പിന്നാലെയാണ് നിർമാതാവിന് നേരെ ഉള്ള ആക്രമണം. ഇത് കൊച്ചിയിലെ ഗുണ്ടാ വിഷയത്തിന്റെ ഗൗരവം വർധിപ്പിക്കുന്നു.