കണ്ണൂർ: പത്താം ക്ലാസ് വിദ്യാർത്ഥികൾക്ക് അഭിരുചിയ്ക്കനുസരിച്ച് തൊഴിൽ തിരഞ്ഞെടുക്കാൻ ;സ്‌മൈൽ’ ക്യാമ്പുമായി അഡീഷണൽ സ്‌കിൽ അക്വിസിഷൻ പ്രോഗ്രാം(അസാപ്). സംസ്ഥാന ഉന്നത പൊതു വിദ്യാഭ്യാസ വകുപ്പുകൾ ചേർന്നാണ് സ്‌മൈൽ എന്ന പേരിൽ മുന്ന് ദിവസത്തെ സൗജന്യ റെസിഡൻഷ്യൽ ക്യാമ്പ് ജി എച്ച് എസ് എസ് കൊട്ടിലയിൽ ആരംഭിച്ചത്. തിരഞ്ഞെടുക്കപ്പെട്ട 40 വിദ്യാർത്ഥികളാണ് ക്യാമ്പ് അംഗങ്ങൾ.പ്രമുഖരുമായുള്ള സംവാദം,സ്റ്റാർട്ട് അപ് സംരംഭങ്ങളുടെ സെഷനുകൾ തുടങ്ങിയവയും ജില്ലയിലെ ഏക ക്യാമ്പിൽ നടക്കും.