ലണ്ടൻ:ആദ്യ നോവലിലൂടെ മാൻബുക്കർ പ്രൈസ് നേടിയ അരുന്ധതി റോയ് വീണ്ടും മാൻബുക്കർ പട്ടികയിൽ.രണ്ടു പതിറ്റാണ്ടിനു ശേഷം എഴുതിയ രണ്ടാം നോവലായ ‘ദി മിനിസ്ട്രി ഓഫ് അറ്റ്മോസ്റ്റ് ഹാപ്പിനെസ്സ്’ എന്ന നോവലാണ് 50,000 പൗണ്ട് സമ്മാനത്തുകയുള്ള മാൻബുക്കർ പുരസ്‌ക്കാരത്തിനുള്ള ആദ്യ പട്ടികയിൽ ഇടം പിടിച്ചത്.150 ഓളം കൃതികളിൽ നിന്നും 13 പേരെ ഉൾപ്പെടുത്തി തയ്യാറാക്കിയ പട്ടികയിൽ നാലുപേർ നേരത്തെ നാമനിർദേശം ലഭിച്ചവരാണ്.ഭിന്ന കഥാപാത്രങ്ങളിലൂടെ സമീപകാല ഇന്ത്യയുടെ ചരിത്രവും വർത്തമാനവും പങ്കുവെയ്ക്കുന്ന അരുന്ധതിയുടെ കൃതി ആശയസമ്പന്നവും ഊർജസ്വലവുമാണെന്നു വിലയിരുത്തിയാണ് ജൂറി അരുന്ധതിയെ ഒരിക്കൽ കൂടി പട്ടികയിൽ പരിഗണിച്ചത്.13 കൃതികളിൽ ഏറ്റവും മികച്ച ആറെണ്ണമടങ്ങിയ ചുരുക്കപ്പട്ടിക സെപ്റ്റംബർ പതിമൂന്നിന് പ്രഖ്യാപിക്കും.ഒക്ടോബർ 17 നാണ് വിജയിയെ പ്രഖ്യാപിക്കുക.