ആറളം: ശമ്പളം മുടങ്ങിയതിൽ പ്രതിഷേധിച്ഛ് ആറളം ഫാം ഓഫീസിനു മുന്നിൽ അനിശ്ചിതകാല ഉപരോധസമരം തുടങ്ങി. സമരം തീർക്കാൻ മാനേജ്‌മന്റ് ഇടപെടണമെന്ന് സി ഐ ടി യു സംസ്ഥാന സെക്രട്ടറി കെ പി സഹദേവൻ ഉദ്ഘാടനം ചെയ്തുകൊണ്ട് ആവശ്യപ്പെട്ടു. ഇല്ലെങ്കിൽ സമരം കളക്ടറേറ്റിലേക്ക് മാറ്റേണ്ടി വരുമെന്ന് അദ്ദേഹം മുന്നറിയിപ്പ് നൽകി. ബിനോയ് കുരിയൻ അധ്യക്ഷത വഹിച്ചു. എ ഐ ടി യു സി ജില്ലാ പ്രസിഡന്റ് താവം ബാലകൃഷ്ണൻ, ഐ എൻ ടി യു സി ജില്ലാപ്രസിഡന്റ് വി ശശീന്ദ്രൻ, കെ ടി ജോസ് എന്നിവർ സംസാരിച്ചു.
പ്രകടനമായി എത്തിയാണ് തൊഴിലാളികളും ജീവനക്കാരും സമരം ആരംഭിച്ചത് .ഫാമിൽ ജോലിചെയ്യുന്ന 537 തൊഴിലാളികളിൽ 21 പേര് ജീവനക്കാരും 32 പേര് കരാർ ജീവനക്കാരും 304 സ്ഥിരം തൊഴിലാളികളും 180 താത്ക്കാലിക തൊഴിലാളികളുമാണ്. ഇതിൽ 308 പേരും ആദിവാസി വിഭാഗങ്ങളിൽ നിന്നുള്ളവരാണ്.