ആറളം : ആറളം ഫാമില്‍ കാട്ടാനയുടെ കുത്തേറ്റ് യുവാവ് മരിച്ചു. ആറളം ഫാം നാലാം ബ്ലോക്കിലെ പൈനാപ്പിള്‍ കൃഷി സൂപ്പര്‍ വൈസര്‍ കരിക്കോട്ടക്കരി വാളത്തോട് സ്വദേശി റജി (40) യാണ് മരിച്ചത്. ബുധനാഴ്ച രാത്രി എട്ടോടെ കൃഷി സ്ഥലത്താണ് സംഭവം. ഒരു മാസത്തിനിടെ രണ്ടാമത്തെ ആളാണ് ഇവിടെ ആനയുടെ കുത്തേറ്റ് മരിക്കുന്നത്.
ജില്ലാ കളക്ടർ എത്തിയതിനുശേഷമേ മൃതദേഹം മാറ്റാൻ അനുവദിക്കൂവെന്ന് ഒരു വിഭാഗം നാട്ടുകാർ ഉറച്ചു നിന്നതോടെ മൃതദേഹം മണിക്കൂറുകളോളം റോഡിൽ കിടത്തേണ്ടി വന്നു. ജനവാസകേന്ദ്രത്തിലെത്തിയ കാട്ടാനയെ തുരത്തുന്നിതനിടെയണ് റെജിയെ കാട്ടാന അക്രമിച്ചത്.