ഇരിട്ടി: ആറളം പഞ്ചായത്തിലെ മാഞ്ചോട് ജനവാസ മേഖലയിൽ ഇറങ്ങിയ കാട്ടാന ടാപ്പിംഗ് തൊഴിലാളിയെ തുരത്തി ഓടിച്ചു. ഇയാൾ സഞ്ചരിക്കുകയായിരുന്ന സ്കൂട്ടർ തകർത്തു. ആറളം അയ്യങ്കുന്ന് പഞ്ചായത്തിലെ നാലോളം ഗ്രാമങ്ങളെ മണിക്കൂറുകളോളം മുൾമുനയിൽ നിർത്തിയ കുട്ടിക്കൊമ്പനെ വനപാലകരുടെ നേതൃത്വത്തിൽ നടത്തിയ ശ്രമത്തിനൊടുവിൽ ഉച്ചയ്ക്ക് പന്ത്രണ്ട് മണിയോടെ ആണ് കയറ്റിവിടാനായത്.