ഉദുമ:കെ കുഞ്ഞിരാമൻ എംഎൽ‌എയുടെ വീടിന് സമീപം റോഡരികിൽ ദുരൂഹ സാഹചര്യത്തിൽ കൃത്രിമ കാല് കണ്ടെത്തി. പള്ളിക്കര ആലക്കോട്ടെ എംഎൽ‌എയുടെ വീട്ടിലേക്കുള്ള വഴിയിലാണ് ശനിയാഴ്ച രാവിലെ കൃത്രിമ കാല് കണ്ടെത്തിയത്.ദിവസങ്ങൾക്ക് മുൻപ്യു എംഎൽ‌എടെ കാല് വെട്ടുമെന്നും വധിക്കുമെന്നും മുദ്രാവാക്യം ഉയർത്തി കോൺഗ്രസ്സുകാർ പ്രകടനം നടത്തിയിരുന്നു. ഇതുമായി ബന്ധപ്പെട്ട പൊലീസ് അന്വേഷണം നടക്കുന്നതിനിടെയിലാണ് കൃത്രിമ കാല് കണ്ടെത്തിയത്.ബേക്കൽ പൊലീസ് എത്തി കൃത്രിമ കാല് കസ്റ്റഡിയിലെടുത്തു. സംഭവത്തിൽ അന്വേഷണം നടത്തി നടപടി സ്വീകരിക്കണമെന്നാവശ്യപ്പെട്ട് എംഎൽ‌എ ഡിജിപി, പൊലീസ് മേധാവി എന്നിവർക്ക് പരാതി നല്കി.