കണ്ണൂർ:മട്ടന്നൂരിൽ യൂത്ത് കോൺഗ്രസ് നേതാവ് ശുഹൈബിന്റെ കൊലപാതകവുമായി ബന്ധപ്പെട്ടും തുടർന്ന് നടന്ന സംഭവവികാസങ്ങളുടെ പശ്ചാത്തലത്തിലും കണ്ണൂരിൽ ഇന്ന് സമാധാന യോഗം ചേരും.രാവിലെ 10.30 നു കളക്റ്ററേറ്റിൽ ചേരുന്ന യോഗത്തിൽ മന്ത്രി എ.കെ ബാലൻ അധ്യക്ഷത വഹിക്കും.യോഗത്തിൽ എല്ലാ രാഷ്ട്രീയ കക്ഷികളുടെയും പ്രതിനിധികൾ പങ്കെടുക്കും.യോഗത്തിൽ പങ്കെടുക്കുമെന്ന് പ്രതിപക്ഷ നേതാവ് രമേശ് ചെന്നിത്തല കഴിഞ്ഞ ദിവസം വ്യക്തമാക്കിയിരുന്നു.എന്നാൽ സർവകക്ഷി യോഗം വെറും പ്രഹസനമാണെന്നു കെ.സുധാകരൻ ആരോപിച്ചു.കേസിൽ തെളിവ് നശിപ്പിക്കുകയും വീഴ്ച വരുത്തുകയും ചെയ്ത പോലീസുകാർക്കെതിരെ നടപടിയെടുക്കണമെന്നും സുധാകരൻ ആവശ്യപ്പെട്ടു.