കോഴിക്കോട്: മാവോവാദി ബന്ധം ആരോപിച്ച്‌ യു.എ.പി.എ ചുമത്തി അറസ്റ്റു ചെയ്ത വിദ്യാര്‍ഥികളായ അലന്‍ ഷുഹൈബിനേയും താഹ ഫസലിനേയും കോഴിക്കോട് ജില്ലാ ജയിലില്‍ നിന്ന് മാറ്റിെല്ലന്ന് ജയില്‍ ഡി.ജി.പി ഋഷിരാജ് സിങ്. സുരക്ഷ കണക്കിലെടുത്ത് അലനെയും താഹയെയും വിയ്യൂര്‍ സെന്‍ട്രല്‍ ജയിലിലേക്ക് മാറ്റണമെന്ന് ജയില്‍ സൂപ്രണ്ട് ആവശ്യപ്പെട്ടിരുന്നു. എന്നാല്‍ നിലവില്‍ സുരക്ഷാ പ്രശ്നങ്ങളില്ലെന്നും തല്‍ക്കാലത്തേക്ക് ജയില്‍ മാറ്റം വേണ്ടെന്നും ഋഷിരാജ് സിങ് അറിയിച്ചു. റിമാന്‍ഡ് കാലാവധിയോ കസ്റ്റഡി കാലാവധിയോ നീളുകയാണെങ്കില്‍ ജയില്‍ മാറ്റം പരിഗണിക്കാമെന്നാണ് ജയില്‍ ഡി.ജി.പി അറിയിച്ചത്.