മട്ടന്നൂർ:കണ്ണൂര്‍ അന്താരാഷ്ട്ര വിമാനത്താവളത്തില്‍നിന്ന് എയര്‍ ഇന്ത്യയുടെ ഡല്‍ഹി, കോഴിക്കോട് സര്‍വീസുകള്‍ ഇന്ന് ആരംഭിക്കും. ചൊവ്വ, ബുധന്‍, വെള്ളി, ശനി, ഞായര്‍ ദിവസങ്ങളിലാണ് സര്‍വീസുകള്‍ ഉള്ളത്. ഡല്‍ഹിയില്‍നിന്ന് കണ്ണൂര്‍ വഴി കോഴിക്കോട്ടേക്കും തിരിച്ചുമാണ് സര്‍വീസ്. രാവിലെ 9.05-ന് ഡല്‍ഹിയില്‍നിന്ന് പുറപ്പെടുന്ന ഫ്ലൈറ്റ് 12.15-ന് കണ്ണൂരിലെത്തും.ഉച്ചയ്ക്ക് ഒരുമണിക്ക് കണ്ണൂരില്‍നിന്ന് പുറപ്പെട്ട് 1.30-ന് കോഴിക്കോടും തിരിച്ച്‌ 2.15 ന് കണ്ണൂരിലേക്കുമാണ് സര്‍വീസ്. തുടര്‍ന്ന് കണ്ണൂരിൽ നിന്നും 3.30 നു പുറപ്പെടുന്ന വിമാനം 6.45-ഓടെ ഡല്‍ഹിയില്‍ എത്തിച്ചേരും.