ചെന്നൈ:എ ഐ എ ഡി എം കെ ജനറൽ സെക്രെട്ടറി ശശിയുടെ ഭർത്താവ് എം.നടരാജൻ(76) അന്തരിച്ചു.ഇന്ന് പുലർച്ചെയായിരുന്നു അന്ത്യം.അഞ്ചുമാസം മുൻപ് കരൾ,വൃക്ക,മാറ്റ ശസ്ത്രക്രിയയ്ക്ക് വിധേയനായ നടരാജനെ രണ്ടാഴ്ച മുൻപാണ് ആരോഗ്യപ്രശ്നങ്ങളെ തുടർന്ന് വീണ്ടും ആശുപത്രിയിൽ പ്രവേശിപ്പിച്ചത്.മാറ്റിവച്ച വൃക്കയും കരളും പ്രവർത്തനരഹിതമാവുകയും ശ്വാസകോശ അണുബാധ മൂർച്ഛിക്കുകയും ചെയ്തിരുന്നു. വെന്‍റിലേറ്ററിന്‍റെ സഹായത്തിലാണ് ജീവൻ നിലനിർത്തിയിരുന്നത്.അഴിമതി കേസിൽപ്പെട്ട് ബെംഗളൂരു പരപ്പന അഗ്രഹാര ജയിലിൽ കഴിയുകയാണ് ശശികല.ഭർത്താവിന്റെ ആരോഗ്യനില കാണിച്ച് തനിക്ക് പരോൾ നൽകണമെന്ന് ആവശ്യപ്പെട്ട് ശശികല നൽകിയ അപേക്ഷ ഒക്ടോബറിൽ കോടതി പരിഗണിക്കുകയും നടരാജനെ ആശുപത്രിയിൽ പ്രവേശിപ്പിച്ചപ്പോൾ അഞ്ചു ദിവസത്തെ പരോൾ അനുവദിക്കുകയും ചെയ്തിരുന്നു. വര്‍ഷങ്ങളായി പൊതുരംഗത്ത് സജീവമല്ലാത്ത നടരാജന്‍ മുഖ്യമന്ത്രിയായിരുന്ന ജയലളിതയുടെ മരണ ശേഷമാണ് വീണ്ടും പ്രത്യക്ഷപ്പെട്ടത്.