കണ്ണൂർ:കര്‍ഷക തൊഴിലാളി യൂണിയന്‍ ഒൻപതാം ദേശീയ സമ്മേളനത്തിന് കണ്ണൂരില്‍ തുടക്കം.നായനാര്‍ അക്കാഡമിയില്‍ മൂന്ന് ദിവസങ്ങളിലായാണ് സമ്മേളനം നടക്കുക.പതിനെട്ട് സംസ്ഥാനങ്ങളില്‍ നിന്നായി ആയിരത്തിലേറെ പ്രതിനിധികളാണ് സമ്മേളനത്തില്‍ പങ്കെടുക്കുന്നത്.കിസാന്‍ സഭാ അഖിലേന്ത്യാ വൈസ് പ്രസിഡണ്ട് എസ്. രാമചന്ദ്രന്‍ പിള്ള സമ്മേളനം ഉദ്ഘാടനം ചെയ്തു.രാജ്യത്തെ കര്‍ഷകരെ നരേന്ദ്ര മോഡി സര്‍ക്കാര്‍ വഞ്ചിച്ചെന്ന് എസ്. ആര്‍. പി പറഞ്ഞു. കഴിഞ്ഞ തവണ അധികാരത്തില്‍ വന്നപ്പോള്‍ നരേന്ദ്ര മോഡി കര്‍ഷകര്‍ക്ക് നല്‍കിയ വാഗ്ദാനങ്ങള്‍ നടപ്പിലാക്കിയില്ല എന്ന് മാത്രമല്ല, അവരെ ചതിക്കുകയാണ് ചെയ്തത് എന്നും ഉൽഘാടന പ്രസംഗത്തിൽ അദ്ദേഹം ആരോപിച്ചു.മൂന്നാം തിയ്യതി വൈകീട്ട് നടക്കുന്ന സമാപന സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.കിസാന്‍ സഭ ജനറല്‍ സെക്രട്ടറി ഹനന്‍മുള്ള, സുനിത് ചോപ്ര, വിവിധ സംഘടനകളുടെ അഖിലേന്ത്യാ ഭാരവാഹികള്‍ എന്നിവരും സമ്മേളനത്തില്‍ സംബന്ധിക്കും.സമാപന റാലിയില്‍ ഒരു ലക്ഷം പേരെ പങ്കെടുക്കുമെന്നും സംഘാടകര്‍ അറിയിച്ചു.