കണ്ണൂർ:ദേശീയപാത ബൈപാസിനായി സ്ഥലം ഏറ്റെടുക്കൽ പുരോഗമിക്കുന്ന കീഴാറ്റൂർ വയൽപ്രദേശം കൃഷിമന്ത്രി വി.എസ് സുനിൽ കുമാർ സന്ദർശിച്ചു. തളിപ്പറമ്പിൽ മറ്റു രണ്ടു പരിപാടികളിൽ പങ്കെടുത്ത മന്ത്രി ദേശീയ പാതയിൽ കീഴാറ്റൂരിൽ ഇറങ്ങുകയായിരുന്നു.മന്ത്രി വരുമെന്ന് മുൻകൂട്ടി അറിഞ്ഞിരുന്നാൽ വയൽക്കിളികൾ നടത്തുന്ന സമരപന്തലിൽ സ്ത്രീകളും കുട്ടികളും അടക്കം ധാരാളമാളുകൾ എത്തിയിരുന്നു.എന്നാൽ സമരക്കാരുമായി സംസാരിക്കാൻ മന്ത്രി തയ്യാറായില്ല.അതേസമയം ആളൊഴിഞ്ഞ പ്രദേശത്തു വാഹനം നിർത്തി നെൽവയൽ കാണുകയും ചെയ്തു.കാറിൽ നിന്നിറങ്ങാതെയായിരുന്നു വയൽ നിരീക്ഷണം.