തിരുവനന്തപുരം: അഡ്വ. പി സതീദേവി സംസ്ഥാന വനിതാകമ്മീഷൻ അദ്ധ്യക്ഷയായി ഒക്ടോബര്‍ 1ന് ചുമതലയേല്‍ക്കും.എംസി ജോസഫൈൻ രാജിവെച്ച ഒഴിവിലാണ് സതീദേവിയുടെ നിയമനം. പാര്‍ടി സംസ്ഥാന സമിതി അംഗവും ജനാധിപത്യ മഹിളാ അസോസിയേഷന്‍ ജനറല്‍ സെക്രടറിയുമാണ്. 2004ല്‍ വടകരയില്‍ നിന്നുള്ള ലോക്‌സഭാ അംഗമായിരുന്നു.സ്ത്രീധന പീഡനം സംബന്ധിച്ച്‌ പരാതി പറഞ്ഞ യുവതിയോട് മോശമായി പെരുമാറിയതിനെ തുടര്‍ന്നാണ് മുന്‍ അധ്യക്ഷ സ്ഥാനത്തുനിന്ന് എം സി ജോസഫൈനെ നീക്കിയത്. കാലാവധി എട്ട് മാസം ബാക്കിയുള്ളപ്പോഴായിരുന്നു ജോസഫൈന്‍ രാജിവെച്ചത്.