മലപ്പുറം:വേങ്ങര ഉപതെരഞ്ഞെടുപ്പിന്‍റെ പരസ്യ പ്രചാരണം നാളെ അവസാനിക്കും. എല്‍ഡിഎഫിന്‍റെ പഞ്ചായത്ത് റാലികള്‍ക്ക് സമാപനം കുറിച്ച് വേങ്ങരയില്‍ നടക്കുന്ന പൊതുസമ്മേളനത്തല്‍ വി എസ് അച്യുതാനന്ദന്‍ പങ്കെടുക്കും.കോടിയേരി ബാലകൃഷ്ണൻ, കാനം രാജേന്ദ്രന്‍ തുടങ്ങിയ നേതാക്കളും സമ്മേളനത്തിനെത്തും. യുഡിഎഫിന്‍റെ പൊതുസമ്മേളനം ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.പ്രതിപക്ഷ നേതാവ് രമേശ് ചെന്നിത്തല, കെപിസിസി പ്രസിഡണ്ട് എം എം ഹസ്സന്‍ തുടങ്ങിയവര്‍ പങ്കെടുക്കും. പി കെ കുഞ്ഞാലിക്കുട്ടിയുടെ റോഡ് ഷോ വേങ്ങര പഞ്ചായത്തില്‍ തുടരുകയാണ്. കുടുംബയോഗങ്ങളും നടക്കുന്നുണ്ട്.ബിജെപി സ്ഥാനാര്‍ത്ഥിയുടെ പ്രചരണത്തിനായി കേന്ദ്രമന്ത്രിമാരും ഇന്ന് വേങ്ങരയിലെത്തും. നാളെയാണ് കൊട്ടിക്കലാശം. ബുധനാഴ്ചയാണ് തെരഞ്ഞെടുപ്പ് നടക്കുക.