കൊച്ചി : കൊച്ചിയിൽ ആക്രമിക്കപ്പെട്ട നടി മാധ്യമങ്ങളെ കാണുന്നതിൽ നിന്നും പിന്മാറി. നേരത്തെ നടി രാവിലെ പത്തുമണിയോടെ തന്റെ പുതിയ ചിത്രത്തിന്റെ ലൊക്കേഷനിൽ വെച്ചു മാധ്യമങ്ങളെ കാണുമെന്നായിരുന്നു റിപ്പോർട്ട്. പോലീസ് നൽകിയ നിർദേശത്തെ തുടർന്നാണ് നടി വാർത്ത സമ്മേളനത്തിൽ നിന്നും വിട്ടു നില്കുന്നത് എന്നാണ് വാർത്ത. ഈ കേസിൽ ഇന്ന് തിരിച്ചറിയൽ പരേഡ് നടക്കുകയാണ്. തിരിച്ചറിയൽ പരേഡ് നടക്കുന്നത് വരെ മാധ്യമങ്ങളെ കാണരുതെന്നാണ് പോലീസിന്റെ നിർദേശം എന്നാണ് ഇപ്പോൾ കിട്ടിയ വിവരം. അതെ സമയം താൻ നാളെ മാധ്യമങ്ങളെ കാണുമെന്നു നടി അറിയിച്ചിട്ടുണ്ട്. ഇതോടെ സത്യാവസ്ഥ പുറത്തു വരുമെന്നാണ് പ്രതീക്ഷ. എന്നാൽ ഈ കേസിൽ ക്വട്ടെഷൻ സാധ്യത നിലവിൽ പോലീസ് തള്ളി കളഞ്ഞിരിക്കുകയാണ്.