കൊച്ചി :നടി ഭാവനയും കന്നഡ സിനിമ നിർമാതാവ് നവീനുമായുള്ള വിവാഹം തീരുമാനിച്ചതായി റിപോർട്ട്.ഡിസംബർ 22 ന് തൃശ്ശൂരിൽ വെച്ച് നടക്കുന്ന ലളിതമായ ചടങ്ങിൽ വെച്ചാകും ഇരുവരും വിവാഹിതരാകുക എന്നും അടുത്ത ബന്ധുക്കളും സുഹൃത്തുക്കളും മാത്രമായിരിക്കും ചടങ്ങിൽ പങ്കെടുക്കുക എന്നും പറയുന്നു.ഭാവനയുടെ വിവാഹത്തെ കുറിച്ച് നിരവധി അഭ്യൂഹങ്ങൾ പരന്നിരുന്നു.വിവാഹം മുടങ്ങിയെന്നും നവീൻ വിവാഹത്തിൽ നിന്നും പിന്മാറിയെന്നും മറ്റുമുള്ള വാർത്തകൾ പ്രചരിച്ചിരുന്നു.എന്നാൽ ഈ വാർത്തകൾ നിഷേധിച്ച് ഭാവനയോട് അടുത്തവൃത്തങ്ങൾ രംഗത്തെത്തിയിരുന്നു.അടുത്ത വർഷം ജനുവരിയിൽ വിവാഹം ഉണ്ടാകുമെന്നായിരുന്നു റിപ്പോർട്ടുകൾ.ഇതിനു ശേഷമാണ് വിവാഹം ഈ മാസം 22 ന് നടക്കുമെന്ന പുതിയ വിവരം പുറത്തു വരുന്നത്.