കൊച്ചി:നടിയെ ആക്രമിച്ച കേസുമായി ബന്ധപ്പെട്ട ഗായിക റിമി ടോമിയുടെ രഹസ്യമൊഴി അന്വേഷണസംഘം രേഖപ്പെടുത്തും.പോലീസ് അന്വേഷണം അവസാനഘട്ടത്തിലെത്തിയിരിക്കെയാണ് റിമിയെ ചോദ്യം ചെയ്യാൻ പോലീസ് കോടതിയുടെ അനുവാദം ചോദിച്ചിരിക്കുന്നത്. ഇതിനായുള്ള അപേക്ഷ അങ്കമാലി മജിസ്ട്രേറ്റ് കോടതിയിൽ പോലീസ് സമർപ്പിച്ചു. റിമി ടോമിയെക്കൂടാതെ മറ്റ് നാലുപേരുടെ മൊഴികൂടി രേഖപ്പെടുത്താൻ അന്വേഷണസംഘം തീരുമാനിച്ചിട്ടുണ്ട്.ഇതിനുമുൻപ് റിമിയെ ഫോണിൽ വിളിച്ച് അന്വേഷണസംഘം വിവരങ്ങൾ ചോദിച്ചിരുന്നു.ഇതിൽ നിന്നും ലഭിച്ച വിവരങ്ങൾ കേസിന് സഹായകരമാകും എന്ന് ബോധ്യപ്പെട്ടതോടെയാണ് അന്വേഷണ സംഘം റിമി ടോമിയുടെ മൊഴി രേഖപ്പെടുത്താൻ തീരുമാനിച്ചത്.