കൊച്ചി : സുനി പകർത്തിയ നടിയുടെ ദൃശ്യങ്ങൾ അയാൾ തന്റെ രണ്ടു സുഹൃത്തുക്കൾക്ക് കൈമാറിയതായി പോലീസിന് സൂചന ലഭിച്ചു. ആക്രമത്തിന് ശേഷം അമ്പലപ്പുഴയിലുള്ള സുഹൃത്തിന്റെ വീട്ടിൽ എത്തിയ സുനി ഏറെ നേരം അവിടെ ചെലവഴിച്ചിരുന്നു. ഈ സമയത്താവാം ദൃശ്യങ്ങൾ കൈമാറിയത്. അതെ സമയം ദൃശ്യങ്ങൾ പകർത്തിയെന്നു കരുതപ്പെടുന്ന മൊബൈൽ ഫോൺ ഇതുവരെ കണ്ടെത്താനായിട്ടില്ല. സുനി മൊഴി മാറ്റി പറയുന്ന സാഹചര്യത്തിലാണ് ഇത്. മൊബൈല്‍ ഫോണ്‍ കണ്ടെടുക്കാനായില്ലെങ്കിലും, നശിപ്പിച്ചതായുള്ള തെളിവുകള്‍ കണ്ടെത്തിയാല്‍ തന്നെ അത് കേസില്‍ സുപ്രധാന തെളിവാകും . സുഹൃത്തുക്കളുടെ മൊഴിയും കേസിന് ബലം പകരും.