കൊച്ചി: യുവനടിയെ തട്ടികൊണ്ടുപോയ കേസില്‍ പോലീസ് അന്വേഷണം അവസാനിപ്പിക്കുന്നെന്ന് റിപ്പോര്‍ട്ട്. പള്‍സര്‍ സുനിയില്‍ നിന്നോ കൂട്ടാളികളില്‍ നിന്നോ കൂടുതല്‍ വിവരങ്ങളൊന്നും ലഭിക്കാത്തതിനെ തുടര്‍ന്നാണ് കേസ് അന്വേഷണം അവസാനിപ്പിക്കാന്‍ പോലീസ് ഒരുങ്ങുന്നത്. മുഖ്യപ്രതി പള്‍സര്‍ സുനിയെ കോടതിയില്‍ നിന്നും കസ്റ്റഡിയില്‍ വാങ്ങി പത്ത് ദിവസത്തെ ചോദ്യം ചെയ്യലിനു ശേഷവും പോലീസിന് കൂടുതല്‍ വിവരങ്ങള്‍ ഒന്നും തന്നെ ലഭിച്ചില്ല. കേസില്‍ പള്‍സര്‍ സുനിയാണ് മുഖ്യ ആസുത്രകനെന്ന നിഗമനത്തിലാണ് അന്വേഷണം അവസാനിപ്പിച്ച് കുറ്റപത്രം സമര്‍പ്പിക്കുക.