കൊച്ചി : നടിയെ ആക്രമിച്ച കേസിൽ നിർണായക തെളിവുകൾ ലഭിച്ചെന്നു പോലീസ്. സംഭവത്തിന് ശേഷം പ്രതി വക്കീലിനെ ഏൽപ്പിച്ച മെമ്മറി കാർഡ് കീഴടങ്ങാൻ എത്തിയപ്പോൾ കൈയിലുണ്ടായിരുന്ന മെമ്മറി കാർഡ് എന്നിവയുടെ ഫോറൻസിക് പരിശോധനയിലാണ് കേസിലെ നിർണായക തെളിവുകൾ ലഭിച്ചതെന്നാണ് വിവരം. താൻ നുണപരിശോധനയ്ക്ക് തയ്യാറല്ലെന്ന സുനിയുടെ പക്ഷത്തെ തുടർന്ന് സുപ്രധാന തെളിവുകൾ കണ്ടെത്താൻ കഴിയില്ലെന്ന ആശങ്കയിലായിരുന്നു പോലീസുകാർ. ഈ സാഹചര്യത്തിലാണ് ഫോറൻസിക് പരിശോധന ഫലങ്ങൾ അറിഞ്ഞത്‌.
സുനിൽ കുമാർ വിജീഷ് എന്നിവരുടെ പോലീസ് കസ്റ്റഡി ഈ മാസം പത്തുവരെ കസ്റ്റഡിയിൽ സൂക്ഷിക്കാൻ കോടതി അനുവദിച്ചു. ഇനിയുള്ള ദിവസങ്ങളിൽ ചോദ്യം ചെയ്യലിന്റെ രീതി മാറ്റി പരമാവധി വിവരങ്ങൾ പരാതിയിൽ നിന്ന് ശേഖരിക്കാനാണ് അന്വേഷണ സംഘം തീരുമാനിച്ചിരിക്കുന്നത്