കൊച്ചി കൊച്ചിയിൽ യുവനടി ആക്രമിക്കപ്പെട്ട കേസിൽ ഇനിയും നാടകീയ രംഗങ്ങൾ ഉണ്ടാകുമെന്നു പൾസർ സുനി.കേസുമായി ബന്ധപ്പെട്ടു കഥ പകുതിയേ ആയിട്ടുള്ളൂ എന്നും സുനി.റിമാൻഡ് കാലാവധി അവസാനിച്ചതിനെ തുടർന്ന് അങ്കമാലി മജിസ്‌ട്രേറ്റ് കോടതിയിൽ ഹാജരാക്കാൻ കൊണ്ട് വന്നപ്പോഴാണ് സുനിയുടെ പ്രതികരണം.മാധ്യമപ്രവർത്തകരോട് സുനി സംസാരിക്കാൻ ശ്രമിച്ചുവെങ്കിലും പോലീസ് വിലക്കി.ഇതിനിടെയാണ് കഥ പകുതിയേ ആയിട്ടുള്ളൂ എന്ന് സുനി പറഞ്ഞത്.അഡ്വക്കേറ്റ് ബി.എ ആളൂരാണ് സുനിക്ക് വേണ്ടി ഹാജരായത്.കേസിൽ ഇനിയും പ്രതികളുണ്ടാകുമെന്നു ആളൂർ മാധ്യമപ്രവർത്തകരോട് പറഞ്ഞു.സുനിക്ക് കോടതിയോട് മാത്രമായി ചില കാര്യങ്ങൾ പറയാനുണ്ടെന്നും അതിനാൽ സുനിയുടെ രഹസ്യമൊഴി രേഖപ്പെടുത്തണമെന്നാവശ്യപ്പെട്ട് ആളൂർ കോടതിയിൽ അപേക്ഷ നൽകിയിട്ടുണ്ട്.