ചെന്നൈ: ധനുഷിന്റെ ശരീരത്തില് ദമ്പതികള് അവകാശപ്പെടുന്ന തരത്തിലുള്ള അടയാളങ്ങള് ഇല്ലെന്ന് മെഡിക്കല് റിപ്പോര്ട്ട്. ധനുഷ് അടയാളങ്ങള് ലേസര് ചികിത്സ വഴി മായ്ച്ചു കളഞ്ഞുവെന്ന തരത്തില് തമിഴ് മാധ്യമങ്ങള് പുറത്തുവിട്ട വാര്ത്തകള് വ്യാജമായിരുന്നെന്നും ഇപ്പോൾ പുറത്തുവന്ന റിപ്പോര്ട്ട് വ്യക്തമാക്കുന്നു. മധുരൈ മെഡിക്കല് കോളേജിലെ ഡോക്ടര്മാരായ എംആര് വൈരമുത്തു രാജാ, മീനാക്ഷി സുന്ദരം എന്നിവരുടെ നേതൃത്വത്തിലായിരുന്നു പരിശോധന. ശസ്ത്രക്രിയയിലൂടെ ധനുഷ് അടയാളങ്ങള് മായ്ച്ചു കളഞ്ഞിട്ടുണ്ടാകും എന്ന ആരോപണത്തിൽ കഴമ്പില്ലെന്ന് ഡോക്ടര്മാര് പറയുന്നു.