കണ്ണൂർ:ജാമ്യത്തിലിറങ്ങി മുങ്ങിയ കളവുകേസ് പ്രതി 21 വർഷത്തിന് ശേഷം പിടിയിൽ. പാപ്പിനിശ്ശേരി സ്വദേശി സാജിദാണ് അറസ്റ്റിലായത്.1997 ഇൽ വളപ്പട്ടണം പോലീസ് സ്റ്റേഷനിൽ രെജിസ്റ്റർ ചെയ്ത കളവുകേസിലെ പ്രതിയാണിയാൾ.കേസിൽ ജാമ്യത്തിലിറങ്ങിയ സാജിദ് പിന്നീട് വിദേശത്തേക്ക് കടക്കുകയായിരുന്നു. അവിടെ നിന്നും തിരികെയെത്തിയ ശേഷം എറണാകുളത്തും മറ്റും ഒളിവിൽ കഴിഞ്ഞു.കഴിഞ്ഞ ദിവസം ഇയാൾ പാപ്പിനിശ്ശേരിൽ എത്തിയിട്ടുണ്ടെന്ന വിവരം ലഭിച്ചതിനെ തുടർന്ന് പോലീസ് നടത്തിയ അന്വേഷണത്തിലാണ് ഇല്ലിപ്പുറത്തുവെച്ച് ഇയാൾ അറസ്റ്റിലാകുന്നത്.വളപട്ടണം സിഐ എം.കൃഷ്ണന്റെ നിർദേശപ്രകാരം എസ്‌ഐ സി.സി ലതീഷ്,എഎസ്ഐ പ്രസാദ്,സിവിൽ പോലീസ് ഓഫീസർമാരായ മനേഷ്,വിനോദ് എന്നിവർ ചേർന്നാണ് പ്രതിയെ പിടികൂടിയത്.