കണ്ണൂർ:ഏതാനും മാസങ്ങൾക്കിടെ കോഴിക്കോട്,കണ്ണൂർ ജില്ലകളിൽ നാല്പതിലേറെ മോഷണങ്ങൾ നടത്തിയയാൾ കണ്ണൂരിൽ പിടിയിൽ.കോഴിക്കോട് കൂടരഞ്ഞി സ്വദേശി കെ.പി ബിനോയിയെ(34)ആണ് കണ്ണൂർ ടൌൺ എസ്‌ഐ ശ്രീജിത്ത് കോടേരിയും സംഘവും ചേർന്ന് പിടികൂടിയത്.ചൊവ്വാഴ്ച രാത്രി കണ്ണൂർ റെയിൽവേ സ്റ്റേഷൻ പരിസരത്തുവെച്ചാണ് ഇയാൾ പിടിയിലാകുന്നത്.കണ്ണൂർ കളക്റ്ററേറ്റിലെ കാന്റീൻ കുത്തിത്തുറന്ന് മോഷണം നടത്തിയ കേസിൽ ശിക്ഷ കഴിഞ്ഞ് ജനുവരിയിലാണ് ഇയാൾ ജയിൽ മോചിതനായത്.ഇതിനു ശേഷം നാല്പതോളം മോഷണങ്ങളാണ് ഇയാൾ നടത്തിയിരിക്കുന്നത്.വിലകൂടിയ മൊബൈൽ ഫോണുകൾ,പണം എന്നിവയാണ് ഇയാൾ പ്രധാനമായും മോഷ്ടിക്കുന്നത്.കഴിഞ്ഞ മാസം കണ്ണൂർ പഴയബസ്സ്റ്റാൻഡ് പരിസരത്തുള്ള മൊബൈൽ കടയിൽ നിന്നും വിലകൂടിയ 10 മൊബൈൽ ഫോണുകളാണ് ഇയാൾ കവർന്നത്.കണ്ണൂർ നഗരത്തിൽ മാത്രം 10 കവർച്ചാ കേസുകളിൽ ഇയാൾ പ്രതിയാണ്.കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.എ എസ് ഐമാരായ പി.പി അനീഷ് കുമാർ,രാജീവൻ,സീനിയർ പോലീസ് ഓഫീസർ സി,രഞ്ജിത്ത്,സിവിൽ പോലീസ് ഓഫീസർ ലിജേഷ്,ടി.സജിത്ത് എന്നിവരും പോലീസ് സംഘത്തിൽ ഉണ്ടായിരുന്നു.