തലശ്ശേരി: കഞ്ചാവ് വില്‍പ്പനയ്ക്കിടെ പിടികൂടാന്‍ ശ്രമിച്ച എക്സൈസ് സംഘത്തെ കുത്തി പരുക്കേല്‍പ്പിച്ച്‌ രക്ഷപ്പെട്ട പ്രതി പിടിയില്‍.തിരുവങ്ങാട് ചാലില്‍ ചാക്കിരി ഹൗസില്‍ കെ.എന്‍ നസീറി (30)നെയാണ് തലശേരി പ്രിന്‍സിപ്പല്‍ എസ്‌ഐ അരുണ്‍കുമാറിന്റെ നേതൃത്വത്തില്‍ അറസ്റ്റ് ചെയ്തത്. തലശേരി കടല്‍പ്പാലം പരിസരത്ത് വച്ചാണ് ഇയാളെ പിടികൂടിയത്. കഴിഞ്ഞ തിങ്കളാഴ്ച രാവിലെയായിരുന്നു പരിശോധനയ്‌ക്കെത്തിയ തലശേരി എക്സൈസ് റെയ്ഞ്ചിലെ പ്രിവന്റീന് ഓഫിസര്‍മാരായ കെ.സി ഷിബു, ജിജീഷ് ചെരുവായി എന്നിവരെ വാഹനത്തിന്റെ ഗ്ലാസ് ഉപയോഗിച്ച്‌ കുത്തിപ്പരുക്കേല്‍പ്പിച്ച്‌ ശേഷം ഇയാൾ ഓടി രക്ഷപ്പെട്ടത്.പ്രതി ഉപേക്ഷിച്ച 40 ഗ്രാം കഞ്ചാവും സ്ഥലത്ത് നിന്ന് എക്സൈസും കണ്ടെടുത്തിരുന്നു. ടൗണിലെ അംബാസിഡര്‍ ലോഡ്ജിനു സമീപത്തായിരുന്നു സംഭവം. തലശേരി റേഞ്ച് എക്സൈസ് ഇന്‍സ്പെക്ടര്‍ കെ.പി ഹരീഷ്‌കുമാര്‍ എന്നിവര്‍ തലശേരി പൊലിസില്‍ നല്‍കിയ പരാതിയെ തുടര്‍ന്നാണ് അന്വേഷണമാരംഭിച്ചത്..