വയനാട്: വയനാട് ചുരത്തില് കെഎസ്ആര്ടിസി ബസും ലോറിയും കൂട്ടിയിടിച്ചു. ആളപായമില്ലെന്നാണ് വിവരം. ചുരത്തില് ആറാം വളവില് വെച്ചാണ് അപകടമുണ്ടായത്. സംഭവത്തെ തുടര്ന്ന് ചുരത്തിലൂടെയുള്ള ഗതാഗതം സ്തംഭിച്ചു. നിരവധി വാഹനങ്ങള് ചുരത്തില് കുടുങ്ങിക്കിടക്കുകയാണ്.രാവിലെ എട്ടരയോടുകൂടിയാണ് അപകടം ഉണ്ടായത്. അരമണിക്കൂറിനുള്ളിൽ പ്രശ്നം പരിഹരിക്കുമെന്നാണ് അധികൃതർ വ്യക്തമാക്കിയത്.