തിരുവനന്തപുരം:തിരുവിതാംകൂർ ദേവസ്വം ബോർഡ് പ്രെസിഡന്റായി മുൻ എംഎൽഎ എ.പദ്മകുമാറിനെയും ബോർഡ് അംഗമായി സിപിഐയിലെ ശങ്കർ ദാസിനെയും നിയമിക്കാൻ തീരുമാനിച്ചു.ഇത് സംബന്ധിച്ചുള്ള ഉത്തരവ് ഉടൻതന്നെ പുറത്തിറങ്ങും.തിരുവിതാംകൂർ ദേവസ്വം ബോർഡിന്റെ കാലാവധി രണ്ടു വർഷമാക്കി വെട്ടിച്ചുരുക്കിക്കൊണ്ടുള്ള സർക്കാർ ഓർഡിനൻസിൽ ഗവർണർ ഒപ്പുവെച്ചതോടെ ദേവസ്വം ബോർഡ് പ്രസിഡന്റ് പ്രയാർ ഗോപാലകൃഷ്ണന്റെ സ്ഥാനം നഷ്ടപ്പെടുകയായിരുന്നു.സിപിഎം പത്തനംതിട്ട ജില്ലാ സെക്രെട്ടറിയേറ്റ് അംഗവും സഹകരണ ഗ്യാരന്റി ബോർഡ് വൈസ് ചെയർമാനുമാണ് എ.പദ്മകുമാർ.