കൊച്ചി:നടിക്കെതിരായ വിവാദ പരാമര്‍ശത്തില്‍ നടന്‍ ദിലീപ് ഖേദം പ്രകടിപ്പിച്ചു. അമ്മ യോഗത്തിലാണ് ദിലീപ് ഖേദം പ്രകടിപ്പിച്ചത്. താന്‍ നിരപരാധിയാണെന്നും അമ്മയിലെ എല്ലാ അംഗങ്ങളുടെയും പിന്തുണ തനിക്ക് വേണമെന്നും ദിലീപ് യോഗത്തില്‍ അഭ്യര്‍ഥിച്ചു. നടിയും പള്‍സര്‍ സുനിയും സുഹൃത്തുക്കളായിരുന്നുവെന്നും കൂട്ടുകൂടുമ്പോള്‍ ശ്രദ്ധിക്കണമെന്നുമാണ് ദിലീപ് ചാനല്‍ ചര്‍ച്ചയില്‍ പറഞ്ഞത്. പരാമര്‍ശം വിവാദമായ സാഹചര്യത്തിലാണ് ദിലീപിന്‍റെ ഖേദപ്രകടനം.