തലശ്ശേരി:സംസ്ഥാനത്തു പുതുതായി അഞ്ച് തീരദേശ പോലീസ് സ്റ്റേഷനുകൾ പ്രവർത്തനം ആരംഭിച്ചു.സ്റ്റേഷനുകളുടെ ഉൽഘാടനം തലശ്ശേരി തീരദേശ പോലീസ് സ്റ്റേഷനിൽ വീഡിയോ കോൺഫെറൻസിലൂടെ മുഖ്യമന്ത്രി പിണറായി വിജയൻ നിർവഹിച്ചു.കണ്ണൂർ ജില്ലയിൽ തലശ്ശേരി,കാസർകോഡ് ജില്ലയിൽ കുമ്പള,തൃക്കരിപ്പൂർ തൃശൂർ ജില്ലയിൽ മഞ്ഞക്കടവ്,ആലപ്പുഴ ജില്ലയിൽ അർത്തുങ്കൽ ഇന്നിവിടങ്ങളിലാണ് തീരദേശ പോലീസ് സ്റ്റേഷനുകൾ ചൊവ്വാഴ്ച പ്രവർത്തനം തുടങ്ങിയത്. പൂവാർ,അഞ്ചുതെങ്,പൊന്നാനി,എലത്തൂർ,വടകര എന്നീ സ്റ്റേഷനുകൾ ഉടൻ പ്രവർത്തനം തുടങ്ങുമെന്ന് മുഖ്യമന്ത്രി പറഞ്ഞു.പൊന്നാനി സ്റ്റേഷൻ അടുത്ത ദിവസം തന്നെ ഉത്‌ഘാടനം ചെയ്യും.മൂന്നാം ഘട്ടത്തിൽ വലപ്പാട്,തൃക്കുന്നപ്പുഴ,താനൂർ,ആലപ്പുഴ,ഇരവിപുരം,തുമ്പ എന്നിവിടങ്ങളിൽ തീരദേശ സ്റ്റേഷൻ തുടങ്ങും.