ന്യൂഡൽഹി:സൗത്ത് ഡൽഹിയിലെ ഓഖ്‌ല ഫേസ് വണ്ണിലുള്ള വീട്ടിൽ പാചകവാതക സിലിണ്ടർ പൊട്ടിത്തെറിച്ചു അഞ്ചു പേർ മരിച്ചു.ഒൻപതുപേർക്കു പരിക്കേറ്റു.മൂന്ന് സ്ത്രീകളും ഒരു കുട്ടിയും ഒരു പുരുഷനുമാണ് മരിച്ചത് പരിക്കേറ്റവരെ ഡൽഹി സഫ്ദർജംഗ് ആശുപത്രിയിലും ഇ.എസ്.ഐ ആശുപത്രിയിലും പ്രവേശിപ്പിച്ചു.ബുധനാഴ്ച നടക്കേണ്ടിയിരുന്ന വിവാഹത്തിൽ പങ്കെടുക്കുന്നതിന് വേണ്ടി നിരവധി ബന്ധുക്കൾ വീട്ടിൽ എത്തിയിരുന്നു.ഇവർക്കുള്ള ഭക്ഷണം തയ്യാറാക്കുന്നതിനിടെയാണ് സിലിണ്ടർ പൊട്ടിത്തെറിച്ചത്.തിങ്കളാഴ്ച രാത്രിയായിരുന്നു സംഭവം.നാലു ഫയർഫോഴ്‌സ് എത്തിയാണ് തീയണച്ചത്.