തിരുവനന്തപുരം:ഹരിത കേരളം പദ്ധതിക്ക് പിന്തുണയുമായി പൂജപ്പുര സെന്‍ട്രല്‍ ജയില്‍. ചപ്പാത്തിക്കും ചിക്കന്‍ കറിക്കും പിന്നാലെ ജയിലില്‍ പേപ്പര്‍ ബാഗ് നിര്‍മാണം ആരംഭിച്ചിരിക്കുകയാണ്. വ്യാവസായിക അടിസ്ഥാനത്തില്‍ പദ്ധതി വ്യാപിപ്പിക്കാനാണ് അധികൃതരുടെ തീരുമാനം. അന്തേവാസികള്‍ക്കായി നിരവധി പദ്ധതികള്‍ പൂജപ്പുര സെന്‍ട്രല്‍ ജയിലില്‍ നടപ്പാക്കുന്നുണ്ട്. ഇതിന് പിന്നാലെയാണ് പുതുതായി പേപ്പര്‍ ബാഗ് നിര്‍മ്മാണവും ആരംഭിച്ചത്. ജയിലും പരിസരവും പ്ലാസ്റ്റിക് മുക്തമാക്കുന്നതിന്‍റെ ഭാഗമായിട്ട് കൂടിയാണ് നടപടി.