തിരുവനന്തപുരം:തിരുവനന്തപുരം അമരവിള ചെക്ക്പോസ്റ്റിൽ ബ്രിട്ടീഷ് പൗണ്ടുമായി ഘാനപൗരൻ പിടിയിൽ. കടലാസിനെ നോട്ടാക്കിമാറ്റുമെന്ന് അവകാശപ്പെട്ട് ഇയാൾ കൊണ്ടുവന്ന ലായനിയും പിടിച്ചെടുത്തു.രാജ്യാന്തര തട്ടിപ്പുസംഘത്തിലെ കണ്ണിയാണ് ഇയാളെന്ന് സംശയിക്കുന്നു.ബെംഗളൂരുവിൽ നിന്നുവന്ന ടൂറിസ്റ്റ് ബസിൽ എക്സൈസ്, വാണിജ്യനികുതി ഉദ്യോഗസ്ഥർ നടത്തിയ പരിശോധനയിലാണ് ക്വാമി റോബ് എഡിസൺ എന്നയാൾ പിടിയിലായത്. ബാഗിൽ ഭദ്രമായി പൊതിഞ്ഞനിലയിൽ പത്ത് പൗണ്ട് നോട്ടുകെട്ടുകളും കണ്ടെത്തി. നോട്ടുകെട്ടിന്റെ മുകളിലും താഴെയും നോട്ടുകളും നടുക്ക് വെള്ളപേപ്പറുകളുമാണ്.വിശദമായ ചോദ്യം ചെയ്യലിനാലി ഇയാളെ പാറശ്ശാല പോലീസിന് കൈമാറി.