തിരുവനന്തപുരം: വിവിധ വകുപ്പുകളില്‍ എല്‍.ഡി. ക്ലാര്‍ക്ക് നിയമനത്തിനുള്ള പി.എസ്.സി.യുടെ ആദ്യ പരീക്ഷ ഇന്നലെ നടന്നു.തിരുവനന്തപുരം, മലപ്പുറം ജില്ലകള്‍ക്കായിരുന്നു പരീക്ഷ.60 മുതല്‍ 70 ശതമാനം വരുന്ന മൂന്നു ലക്ഷത്തിലേറെപ്പേര്‍ പരീക്ഷയെഴുതിയെന്നാണ് പി.എസ്.സി.യുടെ പ്രാഥമിക കണക്ക്.മലയാളത്തിലെയും കണക്കിലെയും ചില ചോദ്യങ്ങള്‍ ബുദ്ധിമുട്ടിച്ചെങ്കിലും പൊതുവിജ്ഞാനത്തില്‍ കടുകട്ടി ചോദ്യങ്ങളുണ്ടായിരുന്നില്ലെന്ന് ഉദ്യോഗാര്‍ഥികള്‍ പറഞ്ഞു.അതിനാല്‍ കട്ട്-ഓഫ് മാര്‍ക്ക് ഉയരാനാണ് സാധ്യതയെന്ന് വിദഗ്ദ്ധര്‍ വിലയിരുത്തുന്നു.