ചെന്നൈ:വിദ്യാര്‍ഥികള്‍നടത്തിയ കല്ലേറില്‍ കോളേജ് പ്രിന്‍സിപ്പലിന് ഗുരുതര പരിക്ക്. ചെന്നൈ പച്ചൈയപ്പ കോളേജ് പ്രിന്‍സിപ്പല്‍ കല്ലരാജിനാണ് വിദ്യാര്‍ഥികളുടെ കല്ലേറില്‍ പരിക്കേറ്റത്.കോളേജിനു മുന്നിലെ ദേശീയപാതയില്‍ ചില വിദ്യാര്‍ഥികള്‍ പടക്കം പൊട്ടിച്ചതിനെ തുടര്‍ന്ന് പോലീസും വിദ്യാർത്ഥികളുമായി സംഘർഷം ഉണ്ടായി.വിദ്യാർത്ഥികൾ പോലീസിന് നേരെ കല്ലേറ് നടത്തിയിരുന്നു.പ്രശ്‌നം പരിഹരിക്കുന്നതിനും വിദ്യാര്‍ഥികളെ ശാന്തരാക്കുന്നതിനും സ്ഥലത്തെത്തിയതായിരുന്നു പ്രിന്‍സിപ്പല്‍.ഇതിനിടയിലാണ് പ്രിന്‍സിപ്പലിന്റെ തലയ്ക്ക് ഏറുകൊണ്ടത്.തലയ്ക്ക് ഗുരുതരമായി പരിക്കേറ്റ പ്രിന്‍സിപ്പല്‍ കല്ലരാജിനെ ആശുപത്രിയില്‍ പ്രവേശിപ്പിച്ചു.സംഭവത്തിൽ 36 വിദ്യാർത്ഥികൾക്കെതിരെ പോലീസ് കേസെടുത്തിട്ടുണ്ട്.