ഒറ്റപ്പാലം:ഒറ്റപ്പാലത്തെ ബിവറേജസ് ഔട്ട് ലെറ്റില്‍ നിന്ന് വാങ്ങിയ മദ്യത്തില്‍ നിന്ന് ചത്ത പാറ്റയെ കിട്ടിയതായി പരാതി.ഷൊര്‍ണൂര്‍ കുളപ്പുള്ളി സ്വദേശികള്‍ ബിവറേജസ് കോര്‍പ്പറേഷന്റെ ഒറ്റപ്പാലത്തെ ഔട്ട് ലെറ്റില്‍ നിന്നാണ് മദ്യം വാങ്ങിയത്. ഒയാസിസ് ഡിസ്ടിലറീസില്‍ നിന്ന് നിര്‍മ്മിച്ച എവരി ഡേ ഗോള്‍ഡ് ക്ലാസിക് ബ്രാണ്ടിയാണ് ഇവര്‍ 220 രൂപ നല്‍കി വാങ്ങിയത്.മദ്യപിക്കാന്‍ ഒരുങ്ങിയപ്പോഴാണ് പൊട്ടിക്കാത്ത കുപ്പിയില്‍ ചത്ത പ്രാണിയെ കണ്ടത്.തുടര്‍ന്ന് കുപ്പിക്ക് മുകളില്‍ കണ്ട ഫോണ്‍ നമ്പറില്‍ വിളിച്ച് കാര്യമറിയിച്ചു. പല തവണ വിളിച്ചെങ്കിലും കൃത്യമായ മറുപടിയുണ്ടായില്ല.ഇതിന് ശേഷം മദ്യ കമ്പനിയുടെ പ്രതിനിധി നേരിട്ട് വന്ന് അയ്യായിരം രൂപ വരെ നഷ്ടപരിഹാരം തരാമെന്ന് പറഞ്ഞു.ഉപഭോക്തൃ കോടതിയില്‍ പരാതി നല്‍കാനാണ് മദ്യം വാങ്ങിയവരുടെ തീരുമാനം