പത്തനംതിട്ട : ചില ഉദ്യോഗസ്ഥരുടെ തെറ്റായ തെറ്റായ പെരുമാറ്റം മൂലം സിവില്‍ സര്‍വീസിന് ചീത്തപ്പേരുണ്ടാക്കുന്നുണ്ടെന്ന് മുഖ്യമന്ത്രി. ഭൂരിഭാഗം ഉദ്യോഗസ്ഥരും നല്ല പ്രവര്‍ത്തനം നടത്തുന്നവരാണ്. എന്നാല്‍ ചുരുക്കം ചില ഉദ്യോഗസ്ഥരുടെ തെറ്റായ പെരുമാറ്റം മൂലം സിവില്‍ സര്‍വീസിന് ചീത്തപ്പേരുണ്ടാകുന്നു. മുഖ്യമന്ത്രി പറഞ്ഞു. സംതൃപ്തമായ സിവില്‍ സര്‍വീസാണ് സര്‍ക്കാര്‍ ലക്ഷ്യമിടുന്നത്. ജീവനക്കാരുടെ ഭാഗത്ത് നിന്നുകൊണ്ടാണ് സര്‍ക്കാര്‍ ഭരണപരിഷ്‌കരണം നടപ്പാക്കുന്നത്. ജീവനക്കാര്‍ക്ക് സംതൃപ്തമായ തൊഴില്‍ അന്തരീക്ഷം ഉറപ്പാക്കും. എന്നാല്‍ വഴിവിട്ട നടപടികള്‍ക്ക് സര്‍ക്കാര്‍ ഒരു വിധത്തിലുള്ള പരിരക്ഷയും നല്‍കില്ല. സര്‍ക്കാര്‍ സര്‍വീസ് പൊതുജനസേവനമാണെന്ന ധാരണ ഉദ്യോഗസ്ഥര്‍ക്ക് ഉണ്ടാവണമെന്നും മുഖ്യമന്ത്രി ഓര്‍മ്മിപ്പിച്ചു.