കൂത്തുപറമ്പ് : ഇന്ത്യൻ ഫുട്ബോൾ താരം സി.കെ.വിനീതിനു കേരള പൊലീസിൽ ജോലി നൽകണമെന്നാവശ്യപ്പെട്ട് മുഖ്യമന്ത്രിക്കു നിവേദനം. വേങ്ങാട് സാന്ത്വനം ട്രസ്റ്റ് ചെയർമാൻ പ്രദീപൻ തൈക്കണ്ടിയാണു മുഖ്യമന്ത്രി പിണറായി വിജയനും കായികമന്ത്രി എ.സി.മൊയ്തീനും ഫാക്സ് സന്ദേശം അയച്ചത്.
സ്പോർട്സ് ക്വാട്ടയിലാണ് സി.കെ.വിനീതിന് ഏജീസ് ഓഫിസിൽ ജോലി ലഭിച്ചത്. ഫുട്ബോൾ കളിക്കായി അവധി അനുവദിക്കാൻ അധികൃതർ തയാറാകുന്നില്ല. ഹാജർ ഇല്ലെന്ന കാരണത്താൽ ജോലിയിൽ നിന്നു പിരിച്ചുവിടുകയും ചെയ്തു. ഇന്ത്യൻ ഫുട്ബോൾ ടീമിൽ അംഗമായ വിനീതിനു തുണയാകാൻ സർക്കാർ അടിയന്തര നടപടി എടുത്തില്ലെങ്കിൽ നാടിന് അഭിമാനമായ ഒരു താരത്തെ സംസ്ഥാനത്തിനു നഷ്ടമാകുമെന്നു നിവേദനത്തിൽ പറഞ്ഞു.