പയ്യന്നൂർ: കക്കംപാറയിലെ ചൂരക്കാട്ട് ബിജുവിനെ വെട്ടിക്കൊലപ്പെടുത്തിയ കേസിൽ അറസ്റ്റിലായ കക്കാമ്പാറ നടുവിലെ പുരയിൽ റിനീഷ് 17 കേസുകളിലെ പ്രതി. ഇന്നലെ കോടതിയിൽ സമർപ്പിച്ച റിമാൻഡ് റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. വധശ്രമം ഉൾപ്പെടെയുള്ള കേസുകളിലാണ് റിനീഷ് പ്രതി ചേർക്കപ്പെട്ടിട്ടുള്ളത്.
രാമന്തളി കക്കമ്പാറ പ്രദേശത്തു രാഷ്ട്രീയ സംഘർഷം നിലനിൽക്കുന്നതിനാൽ പ്രതികളുടെ ജീവനുതന്നെ ഭീഷണി ഉണ്ടെന്നും പോലീസ് റിപ്പോർട്ടിൽ പറയുന്നു.