ശ്രീനഗർ: കശ്മീർ അതിർത്തിയിൽ പാക് പ്രകോപനം തുടരുന്നു. ഇന്ത്യ ശക്തമായി തിരിച്ചടിക്കുകയാണ്. രാവിലെ 6.45നാണ് പാക്കിസ്ഥാൻ വെടിനിർത്തൽ കരാർ ലംഘിച്ചത്. പാക് വെടിവയ്പ്പ് തുടരുന്നതിനാൽ സുരക്ഷാസേന, നാട്ടുകാരെ മാറ്റിപ്പാർപ്പിക്കുകയാണ്. ഇന്നലെ രജൗറി ജില്ലയിൽ നിയന്ത്രണരേഖയ്ക്കു സമീപം പാക്ക് വെടിവയ്പ്പിൽ രണ്ടു നാട്ടുകാർ കൊല്ലപ്പെട്ടിരുന്നു. കശ്മീരില്‍ നൂറിലധികം ഭീകരർ നുഴഞ്ഞു കയറിയതായി സൈന്യം സ്ഥിരീകരിച്ചു. പുൽവാമ, കുൽഗാം, ഷോപ്പിയാൻ, ദോഡ തുടങ്ങിയ ജില്ലകളിൽ സുരക്ഷാസേന തിരച്ചിൽ ശക്തമാക്കി.