മഴക്കാലരോഗങ്ങള്‍ക്കെതിരേ മുന്നറിയിപ്പ്

തിരുവനന്തപുരം: സംസ്ഥാനത്ത് മഴക്കാലരോഗങ്ങള്‍ പടര്‍ന്നുപിടിക്കാന്‍ സാധ്യതയുണ്ടെന്ന് ആരോഗ്യവകുപ്പിന്റെ മുന്നറിയിപ്പ്. സംസ്ഥാനത്ത് ഈമാസം മാത്രം എച്ച് 1 എന്‍ 1 ബാധിച്ച് ഒമ്പതുപേര്‍ മരിക്കുകയും 99 പേര്‍ക്ക് രോഗം സ്ഥിരീകരിക്കുകയും ചെയ്തു. നാലരമാസത്തിനിടെ 33 പേര്‍ എച്ച് 1 എന്‍ 1 ബാധിച്ച് മരിച്ചു. എലിപ്പനി, ചിക്കുന്‍ഗുനിയ, ചിക്കന്‍പോക്‌സ് തുടങ്ങിയ രോഗങ്ങളും പടരുന്നുണ്ട്. നാലുവര്‍ഷത്തിനിടെ എച്ച് 1 എന്‍ 1 ബാധിതരുടെ എണ്ണം ഗണ്യമായി കൂടിയിട്ടുണ്ട്