കണ്ണൂർ: ആര്‍എസ്എസ് പ്രവര്‍ത്തകന്റെ കൊലപാതകത്തിൽ പ്രതിഷേധിച്ച് ബിജെപി ആഹ്വാനം ചെയ്ത കണ്ണൂര്‍ ഹര്‍ത്താല്‍ സമാധാനപരം. കൊലപാതകം നടന്ന പയ്യന്നൂരിലും സ്ഥിതിഗതികൾ ശാന്തമാണ്. കഴിഞ്ഞ രാത്രിയിൽ അക്രമസംഭവങ്ങൾ ഒന്നും ഉണ്ടായിട്ടില്ല. കൊലപാതകം നടന്ന രാമന്തളി പഞ്ചായത്തിലും പയ്യന്നൂർ നഗരസഭാ പരിധിയിലും വൻ പൊലീസ് സന്നാഹം നിലയുറപ്പിച്ചിട്ടുണ്ട്.
മാഹിയിലും ഹര്‍ത്താലിന് ആഹ്വാനം ചെയ്തിട്ടുണ്ട്. ഇന്നലെ വൈകിട്ടാണ് രാമന്തളി മണ്ഡലം കാര്യവാഹക് കക്കംപാറയിലെ ചൂരിക്കാട്ട് ബിജു (34) വെട്ടേറ്റു മരിച്ചത്. 2016 മേയ് മുതൽ ഒരു വർഷത്തിനിടെ ജില്ലയിൽ നടക്കുന്ന എട്ടാമത്തെ രാഷ്ട്രീയ കൊലപാതകമാണിത്.