തിരുവനന്തപുരം: സംസ്ഥാനത്തെ പൊലീസ് തലപ്പത്ത് അഴിച്ചുപണി. സുപ്രിം കോടതി വിധിയു-aടെ അടിസ്ഥാനത്തില്‍ ടിപി സെന്‍കുമാറിനെ പൊലീസ് മേധാവിയായി സര്‍ക്കാര്‍ ഉടന്‍ നിയമിക്കുമെന്നാണ് വിവരം. ഇതിന് മുന്നോടിയായിട്ടുള്ള അഴിച്ചു പണിയാണ് നടന്നതെന്നാണ് സൂചന. പൊലീസിന്റെ സൈബര്‍ വിഭാഗം മേധാവിയായ ടോമിന്‍ തച്ചങ്കരിയെ പൊലീസ് ആസ്ഥാനത്ത് എഡിജിപിയായി നിയമിച്ചു.
അനില്‍കാന്തിനെ വിജിലന്‍സ് എഡിജിപി യായി നിയമിച്ചു. ഐജി ബല്‍റാം കുമാര്‍ ഉപാധ്യായയെ പൊലീസ് ആസ്ഥാനത്ത് മാറ്റി നിയമിച്ചിട്ടുണ്ട്. ഷെഫീന്‍ അഹമ്മദ് ആംഡ് ബെറ്റാലിയന്‍ ഡിഐജിയായി. ഹരിശങ്കറിനെ പൊലീസ് ആസ്ഥാനത്ത് ഐജിയാക്കി.
മുഹമ്മദ് ഷെബീര്‍ തിരുവനന്തപുരം ക്രൈംബ്രാഞ്ച് എസ്പിയാകും. എറണാകുളം റേഞ്ച് ഐജി പി വിജയന് കോസ്റ്റല്‍ പൊലീസിന്റെ അധികച്ചുമതല നല്‍കിയിട്ടുണ്ട്.