മയ്യില്‍: പഞ്ചായത്തിന്റെ വിവിധഭാഗങ്ങളില്‍ ഓട്ടുറുമശല്യം വ്യാപകമാവുന്നു. കടിയേറ്റ് ചികിത്സതേടുന്നവരും വര്‍ധിച്ചു. കഴുത്തിലാണ് ഇവ കൂടുതലായും പറ്റിപ്പിടിക്കുന്നത്. ചെവിയില്‍ പഞ്ഞി വെച്ചാണ് ഈ പ്രദേശങ്ങളിലുള്ളവര്‍ ഇപ്പോള്‍ കഴിയുന്നത്. പകല്‍സമയത്ത് വീടിന് മുകളില്‍ കൂട്ടമായി പറ്റിപ്പിടിച്ചുകിടക്കുന്ന ഇവയെ കീടനാശിനി പ്രയോഗത്തിലൂടെ നശിപ്പിക്കാന്‍ പഞ്ചായത്തുതന്നെ തയ്യാറാകണമെന്നാണ് നാട്ടുകാരുടെ ആവശ്യം.