ന്യൂഡൽഹി: വ്യാജ അക്കൗണ്ടുകൾ പൂട്ടിക്കാൻ ഫേസ്ബുക് തയ്യാറെടുക്കുന്നു. വ്യാജ അക്കൗണ്ടുകൾ കണ്ടെത്തി അവ സസ്‌പെൻഡ് ചെയ്തശേഷം വ്യക്തിത്വത്തെ തെളിയിക്കുന്നതിനുള്ള തെളിവുകൾ ആവശ്യപ്പെടും. അവ നല്കുന്നില്ലെങ്കിൽ അക്കൗണ്ട് ഫേസ്ബുക്കിൽ നിന്നും നീക്കം ചെയ്യും. യഥാർത്ഥ ജീവിതത്തിൽ പുലർത്തുന്ന ഉത്തരവാദിത്തം ഓൺലൈനിലും പുലർത്തണമെന്നാണ് പുതിയ നടപടി വിവരിച്ചുകൊണ്ട് ഫേസ്ബുക് പ്രൊട്ടക്ട ആൻഡ് കെയർ ടീം പറയുന്നത്. ഓരോ അക്കൗണ്ടിനുമുള്ള ആക്ടിവിറ്റി പാറ്റേൺ നോക്കിയാണ് അത് ഫെയിക് ആണോ അല്ലയോ എന്ന് തീരുമാനിക്കാൻ സാധിക്കുന്നത് എന്ന് ഫേസ്ബുക് വ്യക്തമാക്കുന്നു. അശ്‌ളീല ചിത്രങ്ങൾ ഷെയർ ചെയ്തു പോകുന്നത് ഫോട്ടോ മാച്ചിങ് ടെക്നോളജി ഉപയോഗിച്ചു തടയുവാനും ഫേസ്ബുക് നീക്കം ആരംഭിച്ചു .