മലപ്പുറം : മലപ്പുറം ഉപതിരഞ്ഞെടുപ്പിൽ എതിർകക്ഷികളുടെ പ്രതീക്ഷകളെ തകർത്തെറിഞ്ഞു കുഞ്ഞാപ്പ എന്ന ഓമനപ്പേരിൽ അറിയപ്പെടുന്ന പി കെ കുഞ്ഞാലിക്കുട്ടി 1.71ലക്ഷം വോട്ടിന്റെ ഭൂരിപക്ഷത്തിൽ കൂറ്റൻ വിജയം നേടി. 5,15,325വോട്ടാണ് കുഞ്ഞാലിക്കുട്ടിക്ക് ലഭിച്ചത്. മലപ്പുറം ഗവ. കോളേജിൽ നടക്കുന്ന വോട്ടെണ്ണലിൽ ആദ്യ അഞ്ചുമിനുട്ടിൽ തന്നെ കുഞ്ഞാലിക്കുട്ടിയുടെ ലീഡ് മുവായിരം കടന്നു. പിന്നീട് തിരിഞ്ഞു നോക്കേണ്ടി വന്നിട്ടില്ല. നിയമസഭാ കക്ഷി ഉപനേതാവായ പി കെ കുഞ്ഞാലിക്കുട്ടിയെ ലീഗിന്റെ ഉപതിരഞ്ഞെടുപ്പിൽ അവതരിപ്പിച്ച പാർട്ടി തീരുമാനം തെറ്റായില്ലെന്നാണ് തിരഞ്ഞെടുപ്പ് ഫലം തെളിയിക്കുന്നത്.