തളിപ്പറമ്പ്: കടുത്ത വേനലിൽ പോലും വറ്റാത്ത ധർമശാല ടൗണിലെ പൊതുകിണർ മാലിന്യം നിറഞ്ഞ നിലയിൽ. ഏറെ പഴക്കമുള്ള ഈ കിണർ സമീപ പ്രദേശത്തെ നിരവധി നാട്ടുകാർക്കും ഹോട്ടലുകാർക്കും ഏറെ ഉപകാരപ്രദമായിരുന്നു. ഏതാനും വര്ഷം മുൻപ് കിണറ്റിൽ നിന്നും വെള്ളമെടുക്കാൻ കഴിയാത്തവിധം സാമൂഹ്യദ്രോഹികൾ മാലിന്യം നിക്ഷേപിച്ചതോടെയാണ് പലരും കിണർ ഉപേക്ഷിച്ചത്.കിണർ ശുചീകരിച്ച് പൊതുജനങ്ങൾക്ക് ഉപയോഗപ്രദമാക്കാനുള്ള നടപടികൾ നഗരസഭാ അധികൃതരുടെ ഭാഗത്തുനിന്നുണ്ടാവണമെന്നാണ് നാട്ടുകാരുടെ ആവശ്യം.