കൂത്തുപറമ്പ്: സിവില്‍ പോലീസ് ഓഫീസറെ കൈയേറ്റംചെയ്ത സംഭവത്തില്‍ രണ്ടു പേര്‍ക്കെതിരേ പോലീസ് കേസെടുത്തു. നീര്‍വേലിയില്‍ സ്വകാര്യ ബസും കാറും കൂട്ടിമുട്ടിയതിനെത്തുടര്‍ന്ന് ഇരു വാഹനങ്ങളിലെയും ഡ്രൈവര്‍മാര്‍ തമ്മില്‍ വാക്കേറ്റം നടന്നതിനിടയിൽ ബസിലുണ്ടായിരുന്ന മട്ടന്നൂര്‍ പോലീസ് സ്റ്റേഷനിലെ സിവില്‍ പോലീസ് ഓഫീസര്‍ പ്രശ്‌നം പരിഹരിക്കാന്‍ ശ്രമിക്കവെയാണ് അക്രമം നടന്നത്. നീര്‍വേലി സ്വദേശികളായ ഷഫീക്ക്, പരപ്പില്‍ റിയാസ് എന്നിവര്‍ക്കെതിരേയാണ് കേസ്.