ഇരിട്ടി : വാണിയപ്പാറ മലബാർ മാവു കർഷക സമിതിയുടെയും കെ.വി.ഫ്രൂട്‌സിന്റെയും നേതൃത്വത്തിൽ അങ്ങാടിക്കടവിൽ ആരംഭിച്ച മാമ്പഴമേളയും ജനകീയ മാർക്കറ്റും സണ്ണി ജോസഫ് എംഎൽഎ ഉദ്ഘാടനം ചെയ്തു. മാവുകൃഷി പ്രചാരകനുള്ള മരണാനന്തര എൻഡോവ്‌മെന്റ് വിതരണവും മികച്ച മാവുകർഷകരെ ആദരിക്കലും ജില്ലാ പഞ്ചായത്ത് അംഗം തോമസ് വർഗീസും മലബാർ മാവുകർഷക സമിതിയുടെ അംഗത്വവിതരണം ഫാ. തോമസ് മുണ്ടമറ്റവും നിർവഹിച്ചു. നാടൻ മാവിനങ്ങളായ കുറ്റ്യാട്ടൂർ, മൂവാണ്ടൻ, താളി, മുതലമട പാലക്കാടു നിന്നുള്ള സോത്ത, റുമാനിയ അപ്പൂസ്, അപ്പൂസ്, സിന്ദൂരം, നീലം, നാട്യചേല, ബംഗനപ്പള്ളി തുടങ്ങിയ ഇനങ്ങളും കൃഷി വിജ്ഞാനകേന്ദ്രം കണ്ണൂരിന്റെ കണ്ണൂരിന്റെ സാങ്കേതികവിദ്യാ സഹായത്തോടെ നിർമിക്കുന്ന അച്ചാറുകളും വിവിധ തരം പച്ചക്കറികളും മേളയിൽ ലഭിക്കും.